Umferðarmenningin.

Hæ. Ég má til með að leggja orð í belg varðandi umferðina. Síðasta föstudag var ég að aka suður frá Akureyri og það verð ég að segja að nánast alla leiðina var maður í viðbragðsstöðu með að hreinlega aka út fyrir veg til að lenda ekki framan á einhverjum bílnum sem á móti kom. Það virðist sem ökumenn hafi ekki minsta grun um hvar hjólin eru undir bílnum ef marka má staðsetningu þeirra á veginum. Ótrúlega margir aka ýmist á eða öfuga megin við miðlínu. Svo eru það þeir sem eru með felli eða hjólhýsi í eftirdragi. Þessar drögur eru talsvert breiðari en bíllinn og það er eins og ökumenn átti sig ekki á því. Bíllinn er kanski rétt staðsettur en dragan nær talsvert yfir á hina akbrautina. Það væri ekkert mál að hafa ökuhraðann talsvert hærri ef bílstjórum væri treistandi til að halda sig sín meginn á veginum og miðuðu ökuhraðann við aðstæður. Þar skiptir umferðin og veðrið höfuð máli og einnig ástand vegar. Hlikkjóttur vegur með litlum eða engum öxlum ber ekki sama hraða og beinn og breiður vegur. Þessir blessaðir umferðarsnillingar horfa alltaf til ökuhraðans en mín skoðun er sú að aðal vandamálið séu við ökumennirnir og hvar við erum staðsettir á veginum. Það er nefnilega einnig vont að lenda beint framan á bíl á 80 km hraða og þá jafnvel með vagn í eftirdragi sem er jafn þungur og bíllinn eða jafnvel þyngri.

Athugasemdir

[Gísli Sigurðsson, 17.8.2007 kl. 18:59]

Sæll Jón og velkominn í bloggheima. Ég er búinn að vera með bloggsíðu hér á moggabloggi um nokkurra vikna skeið. Ég hef svo sem ekkert verið að auglýsa það en nota það aðallega til að setja inn athugasemdir eins og núna. Það vill nú svo skemmtilega til að þú ert með sömu fyrirsögn ef svo má segja og ég nota, þ.e. allt og ekkert, allt í góðu með það. En það er þetta með umferðina og það allt saman. Mér finnst vera dálítil þversögn varðandi hámarkshraða á Íslandi. Ef hámarkshraði á að verða 90km/klst á tvöfaldri Reykjanesbraut, þá er 90 km hraði á ýmsum þjóðvegum landsins allt of mikið og öfugt, þ.e. 90 km í Landeyjum þá er 90km.  of lágur hraði á Reykjanesbraut.